धनकुटाको हडताल फिर्ता
धनकुटा : प्रदेश १ को अस्थायी मुकाम (राजधानी) धनकुटा तोकिनुपर्ने मागसहित धनकुटावासीले गर्दै आएको हडताल सात दिनका लागि स्थगन भएको छ ।
स्थानीय प्रशासनले निषेधाज्ञा हटाएसँगै हडताल फिर्ता लिने निर्णय भएको आन्दोलन परिचालन समितिका सदस्य–सचिव जयन्द्र प्रधानले जानकारी दिए । सोमबार बसेको आन्दोलन परिचालन समितिको बैठकले हडताल एक साता स्थगन गरी विरोधका कार्यक्रमको स्वरूप परिवर्तन गर्ने निर्णय गरेको हो ।
मन्त्रिपरिषद् बैठकले प्रदेशको अस्थायी मुकाम विराटनगर तोकेको विरोधमा धनकुटावासीले आन्दोलन चर्काउँदै हडताल आह्वान गरेका थिए । बैठकले मंगलबारदेखि १२ देखि १ बजेसम्म सात दिन एक घन्टा चक्काजाम गर्ने निर्णय गरेको छ । समितिले सात दिनभित्र वार्तामा बोलाएर माग सम्बोधन गर्न सरकारलाई अल्टिमेटम दिएको छ । उक्त अवधिमा पनि वार्तामा नबोलाए १५ गतेदेखि पुनः अनिश्चितकालीन हडताल आह्वान गरिने उनले बताए ।
स्थानीय प्रशासनले सोमबार दिउँसोदेखि निषेधाज्ञा हटाएसँगै धनकुटावासीले साँझ जुलुस गरेका थिए ।
प्रतिक्रिया दिनुहोस !
