पशुपतिनाथमा बिहानैदेखि भक्तजनको भीड, फोटोहरू
काठमाडौं : सिमसिमे पानीको बाबजुद पनि महाशिवरात्रिका अवसरमा बिहानैदेखि पशुपतिनाथ मन्दिरमा भक्तजनको भीड लागेको छ।
बिहान २ बजेदेखि भक्तजनको भीड लागेपछि सबा ३ बजेदेखि नै पशुपतिका चारै ढोका खोलिएको पशुपति क्षेत्र विकास कोषका निर्देशक भोला सिटौलाले जानकारी दिए।
पशुपति दर्शनका लागि तीनतिरबाट मूल मन्दिर छिर्ने व्यवस्था गरिएको छ। पिङ्गलास्थान, चार शिवालय हुँदै दक्षिण ढोकाबाट, जयबागेश्वरी–भुवनेश्वरी हुँदै पश्चिम सानो ढोकाबाट र मित्रपार्क–उमाकुण्ड–वासुकी मन्दिर हुँदै तीनतर्फबाट पशुपति दर्शन गर्ने व्यवस्था मिलाइएको उनले बताए।
दर्शनार्थीलाई जुन ढोकाबाट प्रवेश गरेको हो त्यसैबाट निस्कने व्यवस्था मिलाइएको छ। यसवर्ष कति भक्तजनले दर्शन गरे भन्ने वास्तविक तथ्यांक लिन जुत्ता राख्ने स्थान र मूलढोकाबाट छिर्ने स्थानमा तथ्यांक संकलन समूह खटाइएको कोषले जनाएको छ।
सम्बन्धित समाचारः
- पशुपति क्षेत्रमा महाशिवरात्रिको रौनक
- पशुपतिमा लुटेरा पहिचान गर्न प्रहरीको नयाँ 'सूत्र'
- शिवरात्रिको शुभकामना दिँदै ओलीले भनेः तीन कुरामा कसैसँग सम्झौता हुँदैन
- शिवरात्रिमा ट्राफिक व्यवस्थापनः कुन कुन बाटो बन्द? कहाँ छन् पार्किङ ?
- पशुपतिनाथका १५ फोटो
- महाशिवरात्रि पर्व : चार हजार जोगी, १२ लाख दर्शनार्थी
- गाँजामाथि किन प्रतिबन्ध ?
यसवर्षको शिवरात्रिमा १२ देखि १३ लाख दर्शनार्थीले मन्दिरमा दर्शन गर्ने प्रारम्भिक अनुमान गरिएको छ। हेर्नुस् पशुपतिनाथका फोटोहरू