फिदिम : फिदिम नगरपालीका –१ स्थित फिदिम फालोट सडक खण्डको साब्राङमा ट्याक्टर पल्टिँदा एक मजदुरको घटनास्थलमै ज्यान गएको छ । शुक्रबार दिउँसो मे १ त २५२३ नम्बरको ट्याक्टर पल्टिँदा इलाम नगरपालिका १० गोदक घर भएका २१ वर्षीय खगेन्द्र खत्रीको मृत्यु भएको हो ।
निर्माणाधिन फिदिम –फालोट सडक खण्डको साब्राङमा मजदुरका रुपमा कार्यरत खत्री आफैंले चलाएको ट्याक्टर पल्टिँदा मृत्यु भएको जिल्ला प्रहरी कार्यालय पाँचथरले जनाएको छ ।
मृतक फिदिम –नांगीन –फालौट सडक खण्डको स्तरवृद्धि गर्ने जिम्मेवारी पाएको गजुरमुखी निर्माण सेवाका मजदुर रहेको बताइएको छ । खत्रीको शव स्काभेटरको सहयोगमा निकालिएको थियो ।
तिव्र गतिमा गुडिरहेको ट्याक्टरमा एक्कासी ब्रेक लगाउदा पल्टिएको हुनसक्ने अनुमान गरिएको जिल्ला प्रहरी कार्यालय पाँचथरका सूचना अधिकृत विज्ञान वस्नेतले बताए ।
प्रतिक्रिया दिनुहोस !
