वीरेन्द्रनगर : सुर्खेतको वीरेन्द्रनगरमा प्रेसर कुकर बम फेला परेको छ। वीरेन्द्रनगर नगरपालिका-१६ मेहेलीमा खेतबारी खन्ने क्रममा बिहीबार जमिनमुनि राखिएको अवस्थामा पुरानो प्रेसर कुकर बम फेला परेको हो।
स्थानीय चन्द्रबहादुर बोहराको खेतबारी खन्ने क्रममा बम देखेपछि स्थानीयले प्रहरीलाई खबर गरेका थिए। सूचना पाउनासाथ अस्थायी प्रहरी पोष्ट मेहेली सुर्खेतका प्रहरी हवल्दार लालबहादुर बोहराको कमाण्डमा खटिएको टोलीले घटनास्थलमा तत्कालका लागि सिल गरेको जिल्ला प्रहरी कार्यालय सुर्खेतका प्रहरी उपरीक्षक रुपेश खड्काले बताए।
बमलाई डिस्पोजल गर्ने उपकरणसहित नेपाली सेनाको टोली उक्त स्थान पुगेर डिस्पोज गर्ने तयारी गरेको छ। प्रहरीले उक्त घटना बारे थप अनुसन्धान गरिरहेको छ।
प्रतिक्रिया दिनुहोस !
