झापा : झापाको बिर्तामोडमा टिपरले ठक्कर दिँदा एक पैदलयात्री वृद्धाको मृत्यु भएको छ । टिपरको ठक्करबाट गम्भीर घाइते भएकी बिर्तामोड–३ की ७० वर्षीया लिलामाया बुढाथोकीको उपचारका क्रममा मृत्यु भएको हो ।
प्रहरीका अनुसार उनलाई मंगलबार साँझ ६ः३५ बजेको समयमा बिर्तामोड–३ स्थित दृष्टि आँखा अस्पताल अगाडि बिर्तामोडबाट बनियानीतर्फ जाँदै गरेको प्र १–०१–००१ प १०१३ नम्बरको टिपरले ठक्कर दिएको थियो ।
घाइते बुढाथोकीको उपचारको क्रममा बीएण्डसी अस्पतालमा आज दिउँसो १ बजे मृत्यु भएको प्रहरीले जनाएको छ । यता इलाका प्रहरी कार्यालय बिर्तामोडले टिपर र चालक कचनकवल गाउँपालिका–५ का २१ वर्षीय जावेद आलमलाई नियन्त्रणमा लिएको छ ।
प्रतिक्रिया दिनुहोस !
