तस्बिरमा प्रधानमन्त्री ओली र भारतीय समकक्षी मोदी बीचको भेटवार्ता

नयाँदिल्लीः नेपालका प्रधानमन्त्री केपी शर्मा ओली र भारतीय समकक्षी नरेन्द्र मोदीबीच भेटवार्ता भइरहेको छ । ओली र मोदीबीच शुक्रबार साँझ सात बजेदेखि भेटवार्ता सुरु भएको हो । दुई नेताबीच वान टु वान वार्ता भइरहेको छ । ओलीले मोदीलाई दिल्लीको लोककल्याण मार्गस्थित सरकारी निवासमा पुगेर भेटेका हुन् ।

भारतीय विदेश मन्त्रालयका अनुसार प्रधानमन्त्री ओली र भारतमा रहेका नेपाली समुदायबीच साँझ ५ बजेपछिको अन्तरक्रिया सकेपछि मोदीसँग भेटवार्ता सुरु भएको हो ।

ओलीले दिल्ली ओर्लिएपछि सबैभन्दा पहिले भारतीय वरिष्ठ राजनीतिज्ञ शरद यादवसँग भेटवार्ता गरे । त्यस लगत्तै प्रतिपक्षी दल भारतीय काँग्रेस आईका अध्यक्ष राहुल गान्धी र भारतीय पूर्व प्रधानमन्त्री डा। मनमोहन सिंहसहितको टोलीले प्रधानमन्त्री ओलीलाई राष्टपति भवनमा भेट गरेको छ ।

ओलीसँग पूर्व चीफ एबी माथुरसँगको भेटपछि भारतीय राष्टिय सुरक्षा सल्लाहकार अजित दोभालले भेट गरेका थिए । दोभालसँगको भेटलाई प्रधानमन्त्री मोदीसँगको भेटको तयारीका रुपमा लिइएको थियो ।

ओलीले शुक्रबारै सबैभन्दा पहिले भारतीय व्यापारीहरुसँग अन्तरक्रिया गरेर नेपालमा लगानीका लागि आश्वस्त बनाएका छन् । उनले नेपालमा नयाँ युग सुरु भएको बताउँदै लगानीका लागि कुनै समस्या नरहेको पनि व्यापारीहरुसँग बताएका थिए ।

तस्बिर : भारतीय प्रधानमन्त्री नरेन्द्र मोदीको ट्विटरबाट