रुकुम(पश्चिम): रुकुम (पश्चिम)को त्रिवेणी गाउँपालिकामा मोटरसाइकल दुर्घटना हुँदा एकजनाको मृत्यु भएको छ । दुर्घटनामा अर्का एकजना घाइते भएका छन् ।
त्रिवेणी गाउँपालिका–६ को अदुवारीमा मोटरसाइकल दुर्घटना हुँदा मोटरसाइकल चालक त्रिवेणी–६ का ३२ वर्षीय कृष्णवहादुर घर्तीको मृत्यु भएको हो ।
त्रिवेणी गाउँपालिकाको झुल्नेटबाट मुरुतर्फ जाँदै गरेको रा ४ प ३२७९ नम्बरको मोटरसाइकल ओरोलोमा ढुंगामा उछिट्टिएर बुधबार बेलुकी दुर्घटना भएको जिल्ला प्रहरी कार्यालय रुकुम (पश्चिम)ले जनाएको छ ।
दुर्घटनामा परी गम्भीर घाइते भएका घर्तीको उपचारका लागि नेपालगञ्ज लैजाँदै गर्दा सल्यानको श्रीनगरमा मृत्यु भएको हो । दुर्घटनामा मोटरसाइकलको पछाडि बसेका गंगाराम बिक घाइते भएको प्रहरीले जनाएको छ ।
विकको नेपालगञ्जमा उपचार भैरहेको छ । मोटरसाईकल पल्टिएर सडकभन्दा करिब ५० मिटर तल खसेको बताइएको छ ।
प्रतिक्रिया दिनुहोस !
