राजविराजः गर्मीमा हावा खान घर बाहिर बाटोमा बसेकी एक महिलाको दुर्घटनामा परेर मृत्यु भएको छ । स१त २८५१ नम्बरको ट्रयाक्टरको डालाले किचेर बेल्ही चपेना–१ का दीपेन्द्र यादवको श्रीमति २६ वर्षीया सन्तोषीदेवी यादवको मृत्यु भएको सप्तरी प्रहरीले जनाएको छ ।
पश्चिमबाट पूर्वतर्फ जाँदै गरेको खाली ट्रयाक्टरको पछाडिको डाला अचानक पल्टिएर घर अगाडि बाटोमा बसिरहेकी यादवलाई किचेको एसपी मुकेशकुमार सिंहले बताए ।
शवलाई पोष्टमार्टमका लागि राजविराजस्थित गनासिं सगरमाथा अञ्चल अस्पतालमा राखिएको छ । ट्रयाक्टर प्रहरी चौकी झुट्कीको नियन्त्रणमा रहेको छ भने चालक फरार रहेको प्रहरीले जनाएको छ । ट्रयाक्टर धनी भवेश यादव भने सम्पर्कमा आएको एसपी सिंहले बताए ।
प्रतिक्रिया दिनुहोस !
