विश्व राजनीतिको ऐतिहासिक दिन: पैदलै हिँडेर किम जोङ्ग दक्षिण कोरिया छिरे, राष्ट्रपति मुनसँग भेटवार्ता
एजेन्सी: उत्तर कोरियाका शासक किम जोङ्ग उनले परमाणु हतियारलार्इ लिएर जारी तनावबीच सीमा पार गरेर दक्षिण कोरियाका राष्ट्रपति मून जे इनसँग भेटवार्ता गरेका छन् ।
किम जोङ्ग उन दक्षिण कोरियामा आणविक संकटमाथि हुनेवाला सम्मेलनमा भाग लिन पुगेका हुन् । उत्तर कोरियाका सर्वोच्च नेता किम जोङ्ग ऐतिहासिक कदम चाल्दै कोरियाली सम्मेलनमा भाग लिन पैदल नै हिँडेर शुक्रबार दक्षिण कोरिया प्रवेश गरेका हुन् ।
किम जोङ्ग उन १९५०-५३ को कोरियाली युद्ध समाप्तीपछि दक्षिण कोरियाको धर्तीमा कदम राख्ने पहिलो उत्तर कोरियाली शासक हुन् ।
उत्तर कोरियाको तर्फबाट नौ सदस्यीय प्रतिनिधिमण्डलमा देशका मानार्थ अध्यक्ष किम योङ्ग नैम, विदेश मन्त्री री योङ्ग हो र किमकी बहिनी किम यो जोङ्ग पनि सहभागी छन् ।
किम यो जोङ्ग उत्तर कोरियाको वर्कर्स पार्टीका प्रोपोगन्डा र एजिटेशन डिपार्टमेन्टकी निर्देशक हु्न् । किम यो जोङ्गले दक्षिण कोरियामा शीतकालीन ओलम्पिक खेलका क्रममा सियोलको ऐतिहासिक भ्रमण गरेकी थिइन् ।
उत्तर कोरियाको तर्फबाट नौ सदस्यीय प्रतिनिधिमण्डलमा देशका मानार्थ अध्यक्ष किम योङ्ग नैम, विदेश मन्त्री री योङ्ग हो र किमकी बहिनी किम यो जोङ्ग पनि सहभागी छन् ।
किम यो जोङ्ग उत्तर कोरियाको वर्कर्स पार्टीका प्रोपोगन्डा र एजिटेशन डिपार्टमेन्टकी निर्देशक हु्न् । किम यो जोङ्गले दक्षिण कोरियामा शीतकालीन ओलम्पिक खेलका क्रममा सियोलको ऐतिहासिक भ्रमण गरेकी थिइन् ।
सम्मेलनको बिहानको सत्रपछि दुवै पक्षले एक सांकेतिक समारोहमा साथ मिलेर वृक्षरोपण गर्ने छन् । त्यसभन्दा अघि दुवै पक्षले अलग-अलग बिहानको खाना खानेछन् । त्यसपछि दुर्इ नेताबीच संक्षिप्त र अनौपचारिक वार्ता हुनेछ ।
सियोलका एक प्रवक्ताका अनुसार यस बैठकको अन्त्यमा मून र किम जोङ्ग उन एक सम्झौतामार हस्ताक्षर गर्नेछन् । त्यसपछि दुर्इ देशले एक संयुक्त घोषणा गर्ने कार्यक्रम छ ।
प्रतिक्रिया दिनुहोस !
