इटहरी: आगामी आर्थिक वर्षको लागि इटहरी उपमहानगरपालिकाले एक अर्ब ३७ करोडको बजेट सार्वजनिक गरेको छ । यो बजेट अघिल्लो आर्थिक वर्षको भन्दा ७० प्रतिशतले बढी हो ।आगामीआर्थिक वर्षमा चालुृतर्फ ३४ करोड ५९ लाख र पुँजीगततर्फ ६३ करोड ८० लाख तथा वित्तीय व्यवस्थातर्फ ३५ लाख रुपैया खर्च अनुमान गरिएको छ ।
खर्च जुटाउन संघीय सरकारबाट अनुदान २८ करोड ३१ लाख, सशर्त अनुदानबाट ३० करोड ३६ लाख, राजश्वबाट १४ करोड ८३ लाख, प्रदेश सरकारबाट ६० लाख, सशर्त अनुदानबाट १ करोड, आन्तरिक आयबाट ३२ करोड ३१ लाखप्राप्तहुने अनुमान गरिएको छ । अपुग ६ करोड ५ लाख रुपैया नगर विकास कोषबाट ऋण लिने योजना छ ।
इटहरीकी उपमेयर लक्ष्मी गौतमले बजेट वक्तव्य प्रस्तुत गरेकी थिइन् । बजेटले इटहरीमा सार्वजनिक सभाहल बनाउने प्रदेशले छुट्याएको बजेटलाई स्वागत गरेको छ । यस्तै इटहरीमा आवश्यक महसुस गरिएको सार्वजनिक शौचालय,व्यवस्थित ढल निकास, खोला नियन्त्रण, फोहोरमैला व्यवस्थापन, पार्किङ व्यवस्था लगायत पूर्वाधार निर्माणमा लगानी गरिने उल्लेख छ ।
इटहरीमा रात्रिकालिन नमुना बजार स्थापनागर्ने नगरपालिकाको बजेटले समेटेको छ । प्रहरीले साँझ नपर्दै बजार बन्द गर्ने काम गरिरहँदा बजेटमै रात्रिकालिन बजारको व्यवस्था गर्ने उल्लेख गरिएको हो । त्यसको लागि ४० लाख रुपैया छुट्याइएको छ ।
बजेटले इटहरीको पर्यटकीय क्षेत्र तालतलैयालाई प्रबर्द्धन गर्ने, भान्सेपोखरी क्षेत्रलाई पर्यटनको लागिविकास गर्ने योजनाबनाएको छ । यसैगरी इटहरी चोक आसपासमा जनतापार्क बनाउने भएको छ ।
बजेटले इटहरीका सामुदायिक विद्यालयलाई सिसी क्यामेराबाट अनुगमन गर्ने योजना समेटेको छ । यस्तै बहुजातीय संग्रहालयबनाउन ४० लाख रुपैया विनियोजन गरिएको छ । इटहरी वार्ड नं. ४ र ६मा टेंग्राखोलाको दुवैतर्फ सडक करिडोर बनाउने भएको छ ।एक घर एक विरुवा योजनासमेत बजेटले समेटेको छ । यस्तै इटहरीकोबर्थिङ सेन्टरमा बच्चाजन्माउने विपन्नलाई थप एक हजार रुपैयाँ दिनेलगायतकायोजना समेटिएका छन् ।
प्रतिक्रिया दिनुहोस !
