मोटरसाइकल दुर्घटनामा चिकित्सकको मृत्यु
महोत्तरी : पूर्वपश्चिम राजमार्ग अन्र्तगत महोत्तरीको बर्दिबास नगरपालिका –५ मा मोटरसाइकल दुर्घटना हुँदा एक जनाको मृत्यु भएको छ ।
बर्दिबासबाट चितवनतर्फ जादै गरेको बा ४ प ६७५९ नम्बरको मोटरसाइकल दुर्घटना हुँदा चितवन मेडिकल कलेजका चिकित्सक धनुषा जनकपुर नगरपालिका –१५ का २४ वर्षीय रोशनकुमार साहको मृत्यु भएको हाे ।
दुर्घटनामा घाइते भएका मोटरसाइकलमा सवाररत साहको जनसेवा अस्पताल बर्दिबास ल्याउँदै गर्दा मृत्यु भएको इलाका प्रहरी कार्यालय बर्दिबासका प्रहरी निरीक्षक रामप्रसाद कुर्मीले जानकारी दिए ।
सोही दुर्घटनामा मोटरसाइकलमा सवाररत धनुषा शहिदनगर नगरपालिका – ८ का २७ वर्षीय सन्तोषकुमार महतो गम्भीर घाइते भएका छन् । घाइते महतोको शुभस्वतिक अस्पतालमा प्राथमिक उपचारपछि जनकपुर रेफर गरिएको प्रहरी निरीक्षक कुर्मीले बताए । घाइते महतो पनि चितवन मेडिकल कलेजका चिकित्सक हुन् ।