मंगलबारे, इलाम : इलामको माङसेबुङमा आइतबार राति ट्याक्टर दुर्घटना हुँदा एकजनाको मृत्यु भएको छ भने पाँचजना घाइते भएका छन्। माङसेबुङबाट झापाको दमकतर्फ जाँदै गरेको ट्याक्टर माङसेबुङ गाउँपालिका-३ स्थित मानपुरमा दुर्घटना हुँदा घाइते भएका माङसेबङ गाउँपालिका-६ रक्सेका अन्दाजी २१ वर्षीय सरेन राईलाई उपचारका लागि अस्पताल लाँदै गर्दा बाटैमा मृत्यु भएको जिल्ला प्रहरी कार्यालयले जनाएको छ।
घाइते पाँचजनाको झापाका अस्पतालमा उपचार भइरहेको र ट्याक्टर चालक विक्रम लावती भने फरार रहेको बताइएको छ। रासस
प्रतिक्रिया दिनुहोस !
