गुलरियाः प्रहरीले हतियार सहित दुईजनालाई पक्राउ गरेको छ । ५ नम्वर प्रदेश प्रहरी कार्यालय तुल्सीपुर दाङ्ग र ईलाका प्रहरी कार्यालय मैनापोखरको संयुक्त टोलीले उनीहरुलाई पक्राउ गरेको हो ।
प्रहरीले बढैयाताल गाउँपालिका–२ सीतापुर निवासी वर्ष २६ का खुमबहादुर थापा र वर्ष २७ का खड्कबहादुर सुनारलाई पक्राउ गरेको जिल्ला प्रहरी कार्यालय बर्दियाका प्रहरी नायव उपरीक्षक युवराज खड्काले बताए ।
उनीहरुबाट एकथान १२ बोर बन्दुक र त्यसमा लाग्ने २ राउण्ड गोलीसमेत बरामद गरिएको खड्काले जानकारी दिए । उनीहरुलाई जिल्ला प्रशासन कार्यालय बर्दियामा १० दिनको म्याद थपगरी अनुसन्धान भैरहेको जनाइएको छ ।
त्यस्तै प्रहरीले बढैयाताल गाउँपालिका–१ बस्ने डम्बरबहादुर खड्काको घरबाट एकथान भरुवा बन्दुक बरामद गरेको छ । खड्का भने फरार रहेकाले उनको खोजी कार्य भैरहेको प्रहरी नायव उपरीक्षक खड्काले बताए ।
प्रतिक्रिया दिनुहोस !
