नुवाकोट सूर्यगढीमा पहिरोः एक घर बगायो, चार घाइते

काठमाडौं : नुवाकोटाको सूर्यगढी गाउँपालिका-३ मा गएराति गएको पहिरोले एक घर पुरिएको छ।

घरमा रहेका चारजना घाइते भएका छन्। सूर्यगढी गाउँपालिका-२ को वडा कार्यलयमा कार्यरत नवराज श्रेष्ठ, उनकी श्रीमती, छोरी रछोरा घाइते भएका छन्। घाइतेको अहिले काठमाडौंस्थित छाउनीमा रहेको नेपाली सेनाको अस्पतालमा उपचार भइरहेको स्थानीय मेदिनीदत्त अधिकारीले जानकारी दिए।

सूर्यगढी गाउँपालिकाको केन्द्र चोकदे बजारको बसर्पाक छेउमै श्रेष्ठको घर थियो। श्रेष्ठको घरमै  किराना पसल समेत सञ्चालन गदै आइरहेका थिए। पहिराले पसलमा पूर्ण क्षति पुगेको छ। सँगै घरमा पालेका बाख्रा र पाँच दर्जन कुखुरा मरेका छन्। 

वागेश्वरी उच्चमाध्यामिकको चौर पहिरोले तानेपछि एउटा घर बगाएको हो।