धादिङ : उत्तरी धादिङको गँगा-जमुना गाँउपालिका-२ लतावमा स्थानीयबासीको कुटपिटबाट दुईजनाको मृत्यु भएको छ । मृत्यु हुनेमा स्थानीय अन्दाजी वर्ष ६०-६५ का साइँला तामाङ र वर्ष खुल्न नसकेका नरुङ्ग तामाङ रहेको प्रहरीले जनाएको छ ।
मृतक दुवै धामी झाँक्रीको काम गर्ने व्यक्ति भएका खुलेको छ । गाँउमा धामी काम गर्दा सबैलाई दुःख दिने गरेको आरोपमा स्थानीयबासीले कुटपिट गरेका थिए । त्यहीकारण उनीहरुको मृत्यु भएको स्थानीयबासीको भनाइ छ ।
दार्खास्थित प्रहरिचौकी बाट घटनास्थलतर्फ प्रहरी जाँदै गरेको जिल्ला प्रहरी कार्यालय धादिङले जनाएको छ । धादिङबेसीबाट घटनास्थल दुई दिनको पैदल दुरीमा रहेको छ ।
प्रतिक्रिया दिनुहोस !
