विराटनगर : कर्तव्य ज्यान मुद्दामा जिल्ला कारागार मोरङमा कैद सजाय भुक्तान गरिरहेका एक कैदीको शनिबार मृत्यु भएको छ।
मोरङको सुन्दरहरैंचा नगरपालिका ३ का ४४ वर्षीय प्रदिप उरावको मृत्यु भएको कारागारले जनाएको छ। दमको समस्या रहेका उनलाई शुक्रबार कोसी अञ्चल अस्पताल विराटनगरमा उपचारका लागि भर्ना गरिएको थियो।
उनले लामो समयदेखि दमको औषधि सेवन गर्दै आएको जानकारी कारागारले दिएको छ। उराव २०७३ साल साउन ९ गतेदेखि कारागारमा कैद सजाय भुक्तान गर्दै थिए।
प्रतिक्रिया दिनुहोस !
