अपडेट : कपिलवस्तुमा सवारी दुर्घटना, मृतकको संख्या तीन, ११ जना गम्भीर
कात्तिक १२, २०७५ सोमबार १७:५:०
तौलिहवा : कपिलवस्तुको गोरुसिंगेमा भएको सवारी दुर्घटनामा मृत्यु हुनेको संख्या तीन पुगेको छ । जिल्लाकोे बुद्धभूमि नगरपालिका वडा नं. २ मा बस र टिप्पर एक आपसमा ठोक्किदा मृत्यु हुनेको संख्या तीन पुगेको हो ।
मृत्यु हुनेमा दाङ गढवा ४ की पूजा नेपाली र गढवा ४ का ४ वर्षीय शुसान्त सुनार रहेका छन । मृतक अर्का एक जनाको अझै पहिचान खुल्न नसकेको इलाका प्रहरी कार्यालय गोरुसिङ्गेले जनाएको छ ।
दुर्घटनामा ३१ जना घाइते भएका छन । जस मध्ये ११ जनाको अवस्था गम्भीर रहेको जिल्ला प्रहरी कार्यालय कपिलवस्तुका प्रहरी उपरीक्षक रवि रावलले जानकारी दिए । त्यसमध्ये ४ जनाको अवस्था चिन्ताजनक रहेको प्रहरीको भनाइ छ ।
दाङबाट बुटवल आउँदै गरेको ना ६ ख २५०० नम्बरको बस र विपरित दिशामा गुड्दै गरेको लु २ ख १४७७ नम्बरको टिप्पर एक आपसमा ठोक्किएका हुन् । घटना दिउँसो साढे दुई बजेको आसपास भएको हो । दुर्घटनापछि सडक केही समय अबरुद्ध भएको थियो । अहिले सवारी सुचारु भएका छन ।
प्रतिक्रिया दिनुहोस !
