बलात्कारका तीनैजना अभियुक्तलाई अदालत लगियो, पीडित भन्छिन् ‘अझै ढुक्क छैन !’
मंसिर २७, २०७५ बिहीबार १३:५६:०
ललितपुर : ललितपुरको गोदावरी नगरपालिका गोदामचौर–१ मा भएको बलात्कार घटनामा संलग्न तीनैजना आरोपीलाई जिल्ला अदालत पाटन लगिएको छ ।
महानगरीय प्रहरी वृत्त, सातदोबाटोका डीएसपी गौतम मिश्रका अनुसार अभियुतmहरु रघु सिलवाल, विशालध्वज कार्की र पवन कुँवरलाई अदालत पठाइएको हो ।
बुधबार २ः३० बजे अपराध महाशाखाको टोलीले कार्की र कुँवरलाई पक्राउ गरेको थियो । पीडित युवतीले मुख्य अभियुतm भनेकी सिलवाललाई भने डीएसपी मीश्रको टोलीले बुधबार पाँच बजेतिर मात्रै पक्राउ गरेको थियो । मिश्रका अनुसार सिलवाल आफ्नै घर छेउको धन्सार (धान राख्ने ठाउँ) मा लुकेर बसेका थिए । ‘धन्सारमा लुकेर बाहिरबाट चाबी लगाइएको थियो’ मिश्रले अन्नपुर्णसँग भने ।
तीनैजना अभियुतmलाई जबरजस्ती करणी, ज्यान मार्ने उद्योग र जबजस्ती चोरी मुद्दा लगाइएको छ । सामुहिक बलात्कारपछि युवतीको मोबाइल फुटाइदिएको र पर्सबाट तीन हजार रुपैयाँ लिएको पीडित युवतीले जानकारी दिएकी छन् ।
'न्याय पाउने आश छैन'
तीनैजना अभियुतm पक्राउ परेको खबर पाउने बितिकै सामुहिक बलात्कारको शिकार भएकी २२ वर्षीया युवतीको अनुहारमा खुसी छाए पनि न्याय नपाइएला भन्ने पीर बाँकी रहेको बताएकी छन् ।
गत पुस महिनामा जघन्य खालको अपराधमा संलग्न तीनैजनालाई अदालतले साधारण तारेखमा रिहा गरिदिएपछि आफूले न्याय पाउनेमा अझै ढुक्क नरहेको बताइन् । उनले भनिन्, ‘यस्ता अपराधीलाई फाँसीको सजाय हुनुपर्ने हो । यस्तो व्यवस्था नभए पनि आजीवन जेल सजाय हुनुपर्छ ।’
प्रतिक्रिया दिनुहोस !
