काठमाडाैं : नेपाली कांग्रेसको जारी महसमिति बैठकको बिहीबार बिहान ९ बजे बस्ने भनिएको बन्द सत्र अझै सुरु हुन सकेको छैन ।
विधान मस्यौदामा सहमति जुट्न नसक्दा बैठक सुरु हुन नसकेको हो । बैठकको लागि मञ्च समेत बनाइएको छैन । नेताहरु अझै अनौपचारिक छलफलमै अलमलिएका छन् ।
यसअघि विधानमा सहमति जुटेको भनिए पनि केन्द्रीय समितिमा विवाद उठेपछि बैठक फेरि स्थगित भएको हो । यसकै कारण कांग्रेस बैठक दुई दिन लम्बिएको छ ।
यसअघि सिंहदरबारस्थित पार्टी प्यालेसमा बसेको बैठक आज भने पार्टी केन्द्रीय कार्यालय सानेपामा बस्ने तयारी थियो । पूर्वनिर्धारित भन्दा ५४ घण्टा ढिलो भइसक्दा समेत न बैठक बस्ने तरखर छ, न त मञ्च निर्माण नै गरिएको छ ।
प्रवक्ताले भने ‘केही बेरमा बैठक सुरु हुन्छ’
कांग्रेस प्रवक्ता विश्वप्रकास शर्माले भने पत्रकार सम्मेलन गर्दै केही बेरमै केन्द्रीय कार्यसमिति बैठक सुरु हुने जानकारी दिएका छन् । नेताहरु सहमति नजिक पुगेको भन्दै अबको केही बेरमा बैठक बस्ने उनले बताए । बैठकपछि बन्द सत्र सुरु हुने छ ।
प्रतिक्रिया दिनुहोस !
