अत्तरियालाई उपाधि

अत्तरियालाई उपाधि

धनगढी : फारवेस्ट पशुपति कपको उपाधि पीएफए अत्तरियाले जितेको छ । शनिबार धनगढी रंगशालामा भएको फाइनलमा आयोजक फारवेस्ट पशुपति युवा क्लबलाई टाइब्रेकरमा हराउँदै अत्तरियाले उपाधि जितेको हो ।

तेस्रो संस्करणमा आयोजक फारवेस्टसँग फाइनलमा पराजित भएको बदला लिँदै अत्तरिया चौथो संस्करणको विजेता बनेको हो । अत्तरियाले फारवेस्टलाई टाइब्रेकरमा ५–३ गोलले पराजित गर्‍यो । उपाधि विजेता अत्तरियाले नगद चार लाख रुपैयाँ प्राप्त गर्‍यो । उपविजेता फारवेस्टले दुई लाखमा चित्त बुझायो ।

निर्धारित समयसम्म दुवै टोलीले गोलरहित बराबरी खेलेपछि खेल टाइब्रेकरमा धकेलिएको थियो । फारवेस्टका महेश चन्दको प्रहार बाहिरिएपछि आयोजक उपाधिबाट चुकेको थियो । फारवेस्टका भीष्म भाट, कृष्ण कठायत र दीपेन्द्र बुढाले गोल गरे ।

अत्तरियाका मिलन भट्ट, दीपेश आलेमगर, सन्तोष कार्की, बादल पाख्रिन र आशिष क्षत्रीले गोल गरेका थिए ।

प्रतियोगिताको उत्कृष्ट खेलाडी फारवेस्टका भीष्म भाट घोषित भए । उनले नगद १५ हजार रुपैयाँ हात पारे । यस्तै फारवेस्टका प्रीतम खड्का गोलकिपर, फारवेस्टकै कृष्ण कठायत रक्षक, अत्तरियाका अशोक चौधरी उदीयमान खेलाडी र आशिष श्रेष्ठ सर्वाधिक गोलकर्ता बने । उनीहरूले जनही १० हजार रुपैयाँ प्राप्त गरे ।


 


प्रतिक्रिया दिनुहोस !

लोकप्रिय

Unity

working together is no longer optional-it is a matter of compulsion

Annapurna Media Network has announced the Unity for Sustainability campaign which comes into force from January 1, 2022. The main aim of this campaign is to 'lead the climate change dialogue' working closely with all the stakeholders on sustainable development mode, particulary focusing on climate-change issues.