बाजुरा : भारतीय राजदूतावासको सहयोगमा निर्माणाधीन बूढीनन्दा नगरपालिका–२ स्थित जनप्रकाश उमाविको भवन सम्झौता म्याद सकिँदा पनि सम्पन्न भएको छैन ।
मेयर लगायत जनप्रतिनिधिले ठेकेदार स्वयं सम्पर्कममा नआएर काम अलपत्र पारेको बताएका छन् । सम्झौता अनुसार गत भदौ महिनामै काम सक्नु पर्ने थियो । तर सम्झौता सकिएको १३ महिनासम्म पनि योजनाको २० प्रतशित मात्र भएको हो ।
जिल्ला समन्वय समितिका निमित्त कार्यलय प्रमुख जंगबहादुर थापाका अनुसार निर्माण कम्पनीलाई बारम्वार काम सम्पन्न गर्न आग्रह गर्दा पनि अटेरी गर्दैआएका छन् ।
दुई छात्रवास र एक विद्यालयको भवनका लागि ४ करोड ४४ लाख ७२ हजार ४ सय ४४ रकमको सम्झौता भएको हो । निर्माण कार्यमा स्थानीय ठेक्काको जिम्मा लिएका गणेश गिरी र निर्माण सेवाको लापरवाहीका कारण भवन निर्माणमा ढिलाइ भएको थापाले बताएका छन् ।
प्रतिक्रिया दिनुहोस !
