गैरीगाउँमा बसको ठक्करले पैदल यात्रुको मृत्यु, आफन्तले गरे सडक जाम
काठमाडौं : गैरीगाउँ कार्गो कार्यालय अगाडि सोमबार बिहान बस दुर्घटनाबाट मृत्यु भएका आफन्तले करिब १ घण्टा सडक अवरुद्ध गरे। उनीहरुले क्षतिपूर्तिको माग गर्दै सडक अवरुद्ध गरेका हुन्।
बिहान करिब ५:३० बजेतिर बा ३ ख ७०५७ नम्बरको बसले पैदयात्री गैरीगाउँका ४५ वर्षीय पदम कार्कीलाई ठक्कर दिँदा उनको मृत्यु भएको थियो। ठक्कर दिने बस र चालक महानगरीय प्रहरी बृत्त गौशालाको नियन्त्रणमा रहेको ट्राफिक प्रहरी प्रमुख एसएसपी वसन्त पन्तले बताएका छन्। घटनाबारे अनुसन्धान भइरहेको प्रहरीले जनाएको छ।
सबै तस्बिर : प्रज्वल पौडेल / सन्तोष निरा