मैंजुबहालमा मोटरसाइकल दुर्घटनामा एकको मृत्यु
काठमाडौं : काठमाडौं महानगरपालिका-७ गौरीघाटको मैंजुबहालमा मंगलबार बिहान मोटरसाइकल दुर्घटनामा एकको मृत्यु भएको छ। मृत्यु हुनेमा काठमाडौं महानगरपालिका-७ गौरीघाट मैंजुबहालका २४ वर्षीय पारस थपलिया रहेको प्रहरीले जनाएको छ। बा ६८ प १०७३ नम्बरको मोटरसाइकल अनियन्त्रित भई सडकमा पल्टिँदा दुर्घटनामा गम्भीर घाइते भएका थपलियाको दीर्घायु अस्पताल चाबहिलमा उपचारका क्रममा मृत्यु भएको प्रहरी प्रधान कार्यालयले जनाएको छ।
यसैबीच काठमाडौं महानगरपालिका-३० रातोपुल बस्ने इन्दिरा ढकालको घरबाट आज बिहान अन्दाजी एक तोला सुन, १५० तोला चाँदी र नगद रु ३० हजार गरी करिब दुई लाख ५० हजार बराबरको धनमाल चोरी भएको छ। चोरीमा संलग्न व्यक्ति फरार रहेकाले आवश्यक अनुसन्धान भइरहेको प्रहरीले जनाएको छ। रासस