ललितपुर : तत्कालको लागि जस्ताको तस्तै सडक पिच गरिदिन सातदोबाटो चापागाउँका स्थानीयबासीले राखेको माग सम्बोधन भएको छ । वर्षौदेखि लथालिंग बनेको सातदोबाटो चापागाउँ सडक खण्ड कालोपत्रे हुने भएको हो ।
खाल्डाखुल्डी, धुलोधुवाँ र पानी परेपछी हिलोका कारण आक्रान्त बनेका स्थानीयबासी सडक कालोपत्रे गरिदिन ाग गर्दै एक सातादेखि आन्दोलित थिए ।
गोदावरी नगरपालिकाका मेयर गजेन्द्र महर्जनका अनुासर हाललाई जस्ताको त्यस्तै अवस्थामा सडकमा कालोपत्रे गर्ने निर्णय भएको हो । ‘सडक विस्तार गर्नुपर्ने भए पनि हाल जस्तो अवस्थामा छ त्यही अवस्थामा कालोपत्रे हुन्छ’, महर्जनले भने, ‘तीब्र रुपमा काम सम्पन्न गर्ने निर्णय भएको छ ।’
निर्माणको ठेक्का लिएका ललीतध्वज खड्काले तीनवर्ष भईसक्दा पनि सडक मर्मत तथा कालोपत्रे नगरेपछि धुलो र हिलोले स्थानीयबासी हैरान भएका थिए ।
ठेकेदारले सातदोबाटो चापागाउँ खण्डमा सडक विस्तार गर्नुपूर्व सडक किनारामा रहेका दर्जनौँ घर तथा संरचना हटाउनुपर्ने माग गर्दै आएका थिए । ठेकेदारले सडक आसपासमा रहेका बत्तीका पोल, ढल निकास तथा खानेपानीको लाइन पहिला व्यवस्थापन गर्नुपर्ने माग गर्दै आएका थिए । तर स्थानीयले भने तत्काल पिचको माग गरिरहेका थिए । जसका कारण लामो समयदेखि सडक पिच हुन सकेको थिएन ।
सडक नै अवरुद्ध गरेर आन्दोलन गर्दा पनि माग सुनुवाई नभएपछि स्थानीयबासी मंगलबार चाकुपाटस्थित सडक विभागको कार्यालयमा जुलुस लिएर पुगेका थिए ।
उनीहरुले सडक विभागमा ‘धुँवाधुलो अति भो, ठेक्का भको कति भो ?’ भन्दै नारा लगाएका थिए ।
प्रतिक्रिया दिनुहोस !
