हलिउड : संसारभरका सेलिब्रिटी अचेल आफ्ना कलिला नानी साथमा लिएर हिँड्न थालेका छन् । आफ्ना बच्चालाई मिडियामा ल्याउन नचाहने सेलिब्रिटी पनि लामो समयसम्म मिडियाबाट बचेर हिँड्न भने सकेका छैनन् । आफ्नो प्रेग्नेन्सी लुकाउने सेलिब्रिटी पनि शिशुको जन्मपछि सोसल मिडियामा छाउन थालेका छन् ।
इवा लोगोरिया निकै खुसी थिइन् जब उनी फ्रान्सको दक्षिणी समुद्री तटमा आफ्नो बच्चाको साथमा खेलिरहेकी थिइन् । ४४ वर्षीया लोगारिया टल्कने पेटी र पहेँलो रङको लुगामा निकै राम्री देखिएकी थिइन् । काखको बच्चाले उनको कपाल चलाइरहेको दृश्य निकै प्यारो देखिन्थ्यो । इवाले बच्चा जन्मिएपछि कार्बोहाइड्रेट, चिनी र धूमपान, मद्यपान गर्न छोडिदिएकी छन् । बच्चाको जन्मपछि मोटाएकी इवा अहिले फिट भएकी छन् । बच्चा जन्मेपछि आफ्नो ऊर्जा थपिएको उनले मिडियालाई बताउँदै आएकी छन् । बच्चा जन्मनुभन्दा पहिले जिममा अधिक समय खर्चने इवा हाल जिम खासै जान्नन् । उनी आफ्नो सन्तानलाई समय दिन चाहन्छिन् ।
प्रिन्स ह्यारी र उनकी पत्नी मेगहन मार्केल पहिलो पटक मदर्स डेको दिन आफ्नो नवजात शिशुको साथमा मिडियामा देखिएका थिए । मे ६ मा जन्मिएको छोरा आर्चिलाई हातमा लिँदै प्रिन्स ह्यारी र मार्केलले खुसी साटेका थिए । आर्चि दोस्रो पटक मिडियामा देखिएका थिए ।
काइली जेनरले आफ्नो बच्चा स्टार्मीलाई सन् २०१८ मा जन्म दिएकी थिइन् । बच्चा जन्मिएको केही महिनासम्म त उनी मिडियामा देखिइनन् । बच्चालाई पनि मिडियाबाट लुकाएर राखिन् । अहिले उनी आफ्नो बच्चा लिएर हिँड्न खुब रमाइलो मान्छिन् । जेनर आफ्नो बच्चाको तस्बिर बेलाबेलामा खिचेर राख्छिन् र त्यो मिडियामा आउँछ ।
किम पनि बच्चाकी आमा हुन् । टीभीमा आउने रियालिटी सोमा लगातार देखिने किमको जीवनशैली दर्शकले नजिकबाट नियाल्न पाएका छन् । उनलाई कयौं पटक बच्चाको साथमा क्याप्चर गरिएको छ । किमका साथै कोर्टन र क्लो कार्डिसन पनि आफ्नो बच्चाको साथमा प्रायः घुमफिर गर्न निस्कने गर्छन् ।
३४ वर्षीय बास्केटबल खेलाडी लिबोर्न जेम्स पनि इन्स्टाग्राममा प्रायः आफ्नी छोरी जुरीको साथमा देखिन्छन् । जुरी प्रायः मिडियामा आउँदिनन् र जेम्सलाई आफ्नी छोरीको साथमा देखिन खुब मन पर्छ । हलिउड स्टार रियान गोस्लिनले कयौं दिनसम्म आफू बुवा बन्न लागेको कुरा लुकाएर राखेका थिए । पछि छोरी जन्माएपछि उनी मिडियामा आफ्नो सन्तान देखाउन आतुर भए ।
प्रतिक्रिया दिनुहोस !
