वीरगन्ज : भारतबाट राजश्व छलेर ल्याइएका चाँदीका तयारी गहनासहित एक युवक पक्राउ परेका छन् ।
भारतबाट भित्र्याइएका तीन किलाे ८ सय ग्राम गहनासहित वीरगन्जको बसपार्कबाट ३२ वर्षीय मनोज यादव पक्राउ परेका हुन् । पर्साको बहुदरामाई नगरपालिका–१ का मनोजलाई प्रहरीले सुराकीको आधारमा पक्राउ गरेको बताएको छ ।
जिल्ला प्रहरी कार्यालय पर्साबाट खटिएको प्रहरीको टोलीले बसपार्कस्थित सन्ध्या डिलक्स बस काउन्टर अगाडि राखिएको ईन्भर्टर चेकजाँच गर्दा ईन्भर्टरभित्र लुकाएर राखिएको अवस्थामा चाँदीका गहना बरामद भएको हो ।
अवैध गहनासहित पक्राउ परेका यादवलाई आवश्यक कारवाहीका लागि मङगलबार वीरगन्ज भन्सार कार्यालय बुझाइएको पर्साका प्रहरी नायव उपरीक्षक अनन्तराम शर्माले जानकारी दिए ।
प्रतिक्रिया दिनुहोस !
