सिन्धुली : सिन्धुलीको सुनकोसी गाउँपालिका–२ कुशेश्वर दुम्जास्थित कुशेश्वर मन्दिर नजिकै सुनकोसी नदीमा डुबेर एकजना वेपत्ता भएका छन् ।
काठमाडौंको किर्तिपुर बस्ने अन्दाजी २५ वर्षीय अमृत लामा बिहीबार वेपत्ता भएका हुन् । काठमाडौंबाट कुशेश्वर मन्दिर घुम्न आएका लामा आफ्ना साथीहरुसँग सुनकोसी नदीमा पौडी खेल्न गएका थिए ।
नदीमा वेपत्ता भएको खबर पाउना साथ घटनास्थलमा प्रहरी पुगेको बताइएको छ । जिल्ला प्रहरी कार्यालय सिन्धुलीका प्रमुख चक्रबहादुर सिंहका अनुसार लामाको खोजी कार्य अहिले पनि जारी छ ।
प्रहरी चौकी कुशेश्वर दुम्जाका प्रहरी नायव निरीक्षक सहितको टोलीले उनको खोजी कार्य राखेको सिंहले बताए । लामासँगै पौडी खेल्न गएका अन्यको भने सकुशल उद्धार गरिएको प्रहरीले जनाएको छ ।
प्रतिक्रिया दिनुहोस !
