विराटनगर : पूर्व–पश्चिम राजमार्ग अन्तर्गत मोरङको बेलबारी नगरपालिका १० लक्ष्मीमार्गमा एउटाले अर्को मोटरसाइकललाई ठक्कर दिँदा एक जनाको मृत्यु भएको छ।
पूर्वबाट पश्चिम आउँदै गरेको को १६ प ३३३९ नम्बरको मोटरसाइकललाई सोही दिशाबाट आउँदै गरेको को १७ प ६१४४ नम्बरको मोटरसाइकलले पछाडिबाट ठक्कर दिँदा दुर्घटना भएको प्रहरीले जनाएको छ।
दुर्घटनामा को १६ प ३३३९ नम्बरको मोटरसाइकलका चालक संखुवासभाको खाँदबारी नगरपालिका १ का १८ वर्षीय मणिकुमार तामाङ र पछाडि सवार सुनसरी इटहरीका ३३ वर्षीय भोलाकुमार तामाङ घाइते भएका थिए। घाइते दुवै जनाको बेलबारी सामुदायिक अस्पतालमा उपचार भइरहेकोमा उपचारका क्रममा साँझ ६ बजे भोलामानको मृत्यु भएको प्रहरीले जनाएको छ।
मणिकुमारलाई थप उपचारका लागि बीपी कोइराला स्वास्थ्य विज्ञान प्रतिष्ठान धरान लगिएको छ। प्रहरीले घटनाका बारेमा अनुसन्धान सुरु गरिएको जनाएको छ।
प्रतिक्रिया दिनुहोस !
