सिन्धुलीमा माटो खन्दा ढिस्कोले पुरिएर एकको मृत्यु, तीन घाइते
असार २३, २०७६ सोमबार १७:५८:०
सिन्धुली : सिन्धुलीको सुनकोसी गाउँपालिका–६ आमपानी खोल्सीमा माटो खन्ने क्रममा ढिस्कोले पुरिएर एकजनाको मृत्यु भएको छ । अरु तीनजना घाइते छन् ।
ढिस्कोले पुरिएर आमपानी टोल बस्ने २४ वर्षीया शर्मीला रम्तेलको मृत्यु भएको हो । घटनामा सोही ठाउँ बस्ने ३५ वर्षीया विमला रम्तेल, १८ वर्षीय बलराम रम्तेल र ५० वर्षीया सुकमाया रम्तेल घाइते भएको जिल्ला प्रहरी कार्यालय सिन्धुलीका प्रहरी प्रवक्ता लोकदर्शन थापाले जाकारी दिए ।
घाइतेमध्ये विमला रम्तेलको अवस्था गम्भीर रहेको प्रवक्ता थापाले जानकारी दिए । अन्यको अवस्था सामान्य रहेको बताइएको छ । घाइतेहरुलाई स्थानीयले उद्धार गरेर सुनकोसी गाउँपालिकाको खाल्टेस्थित आत्मीय सामुदायिक अस्पतालमा पुर्याइएको थियो ।
प्रतिक्रिया दिनुहोस !
