बैतडीमा तीनदेखि अविरल वर्षा : सडक भाँसिदा पाटन-पञ्चेश्वरमा यातायात अवरुद्ध
असोज १२, २०७६ आइतबार ११:१७:०
बैतडी : तीन दिनदेखि परेको अविरल वर्षाले सडक भासिँदा पाटन-पञ्चेश्वर सडक अवरुद्ध भएको छ । सडकखण्डको पाटन नगरपालिका-६ लोर्खामा पहिरोले सडक भाँसिएपछि शनिबार बेलुकादेखि यातायाता अवरुद्ध भएको हो ।
अवरुद्ध सडक सञ्चालनका लागि सडक डिभिजन कार्यालयसँग समन्वय भइरहेको बैतडीका प्रहरी प्रमुख प्रहरी नायव उपरीक्षक डिल्लीनारायण पाण्डेयले जानकारी दिए । सडक पुरै भाँसिएकाले सूचारु गर्न केही समय लाग्ने प्रहरी नायव उपरीक्षक पाण्डेयको भनाई छ ।
सडक अवरुद्ध हुँदा दसैंका लागि घर फर्केका बैतडीको तल्लोस्वराडका यात्रुहरु बीच बाटोमै अलपत्र परेका छन् । तल्लोसोराडको मेलौली नगरपालिका, शिवनाथ गाउँपालिका र पञ्चेश्वर गाउँपालिका जोड्ने मुख्य सडक अवरुद्ध भएपछि छोटो तथा लामो दूरीका सवारी साधन बन्द भएको स्थानीय दिनेश बिष्टले बताए।
प्रतिक्रिया दिनुहोस !
