रुकुम : रुकुमपूर्वमा शुक्रबार जिप दुर्घटना हुँदा एक जनाको मृत्यु भएको छ। दुर्घटनामा ९ यात्रु घाइते भएका छन्।
रुकुम पश्चिमको सदरमुकाम खलंगाबाट रुकुमपूर्वको तकसेरा जाँदै गरेको रा १ ज ४४४ नम्बरको जिप मध्यपहाडी लोकमार्ग अन्तर्गत भूमे गाउँपालिका-३ जिपखोलामा दुर्घटना भएको प्रहरीले जानकारी दिएको छ।
उनका अनुसार तीनजना पुरुष र ६ जना महिला गरेर ९ जना घाइते भएका छन्। घाइतेमध्ये चारजनाको अवस्था गम्भीर रहेको डीएसपी खड्काले जानकारी दिए।
घाइते सबैको जिल्ला अस्पताल रुकुमकोटमा उपचार भइरहेको छ। चालकलाई प्रहरीले नियन्त्रणमा लिएको छ।
प्रतिक्रिया दिनुहोस !
