भैरहवा : पूर्वराजा ज्ञानेन्द्र शाह प्रदेश-५मा रहेको धार्मिक स्थलहरुको दर्शन लागि भैरहवा आइपुगेका छन्। भैरहवालाई मुकाम बनाएर पूर्वराजा शाह पश्चिम क्षेत्रको विभिन्न जिल्लाको मठमन्दिरको दर्शन तथा पुजाआजा गर्ने कार्यक्रम रहेको मूल भ्रमण समितिका अंचल संयोजक शक्ति सापकोटाले जानकारी दिए।
उनी एक हप्ता भन्दा बढी यस क्षेत्रमा बस्ने छन्। उनको सबै मठमन्दिरको भ्रमण अपरान्ह ३ बजे मिलाइएको छ। एक हप्ताको बिचमा मंसिर १८ गते भेटघाटको कार्यक्रम राखिएको छ।
‘बुधबार कुनै भ्रमणको कार्यक्रम छैन’,संयोजक सापकोटाले अन्नपूर्णसँगँ भने,‘त्यसदिन सर्वसाधरणसगँ भेटघाट कार्यक्रम राखिएको छ।’
भैरहवा आएका पूर्वराजा शाहलाई स्वागत गर्दै उनका समर्थकहरुले ‘राजा आउ, देश बचाउ’, ‘हाम्रो राजा हाम्रो देश, प्राणभन्दा प्यारो छ’ जस्ता नारा लगाएका थिए।
हेर्नुस्, तस्बिरहरु :
प्रतिक्रिया दिनुहोस !
