सर्लाहीमा ५२ जनाको र्‍यापिड टेस्ट : सबैको रिपोर्ट निगेटिभ

सर्लाहीमा ५२ जनाको र्‍यापिड टेस्ट : सबैको रिपोर्ट निगेटिभ

मलंगवा :भारत तथा तेस्रो मुलुकबाट आएर सर्लाहीका विभिन्न क्वारेन्टाइनमा राखिएका ५२ जनाको र्‍यापिड टेस्ट गरिएको छ । 

जिल्लाका विभिन्न स्थानीय तहका क्वारेन्टाइनमा रहेका ५२ जनाको र्‍यापिड टेस्ट गरिएको विपद् व्यवस्थापन समितिका संयोजक तथा प्रमुख जिल्ला अधिकारी मोहनबहादुर जिसीले जानकारी दिएका छन् । 

टेस्ट गरिएका सबैजनाको रिपोर्ट निगेटिभ रहेको प्रजिअ जिसीले बताए । ‘चन्द्रनगर गाउँपालिकाको क्वारेन्टाइनमा रहेका ५० जना र हरिपुर नगरपालिकाको क्वारेन्टाइनमा रहेका २ जना गरि ५२ जनाको र्‍यापिड टेस्ट गरिएको छ’, प्रजिअ जिसीले भने, ‘सबैजनाको रिपोर्ट निगेटिभ आएको छ ।’

सोमबार दिउँसो मात्र र्‍यापिड टेस्ट गर्ने किट जिल्ला ल्याइएको जिसीले बताए । प्राप्त किटबाट सोमबार र मंगलबार हरिपुर नगरपालिकास्थित क्वारेन्टाइनमा रहेका दुईजना र चन्द्रनगर गाउँपालिकास्थित क्वारेन्टाइनमा रहेका ५० जनाको कोरोना संक्रमण टेस्ट गरिएको हो ।

जिल्लाका अन्य क्वारेन्टाइनमा रहेका सबैको क्रमश कोरोना परीक्षण गरिनेछ । सर्लाहीमा भारत तथा तेस्रो मुलुकबाट फर्किएकालाई क्वारेन्टाइनमा राखिएको छ । कोरोना संक्रमणको सम्भावित जोखिमलाई मध्यनजर गरी जिल्लाको २० स्थानीय तहले ३७ स्थानमा तीन सय ८३ बेड क्षमताको क्वारेन्टाइन निर्माण गरिएको छ । मलंगवास्थित जिल्ला अस्पतालमा १५ शैयाको आसोलेटेड बेडसमेत तयारी गरि राखिएको प्रजिअले जिसीले बताए । 


प्रतिक्रिया दिनुहोस !

Unity

working together is no longer optional-it is a matter of compulsion

Annapurna Media Network has announced the Unity for Sustainability campaign which comes into force from January 1, 2022. The main aim of this campaign is to 'lead the climate change dialogue' working closely with all the stakeholders on sustainable development mode, particulary focusing on climate-change issues.