धनकुटा : कोशी राजमार्ग अन्र्तगत धनकुटा–हिले सडकखण्डमा खटिएका १७ मजदुरको ¥यापिड डाइग्नोस्टिक टेस्ट (आरडीटी) गरिएको छ ।
धनकुटा उद्योग वाणिज्य संघको पहलमा तथा जिल्ला स्वास्थ्य कार्यालय धनकुटाको सहयोगमा शनिबार जिल्ला अस्पतालमा आरडीटी टेस्ट गरिएको हो । आरडीटी टेस्ट गरिएका सबै मजदुर धनकुटा जिल्ला बाहिरका हुन् ।
धनकुटा–हिले सडकखण्डको कालोपत्रे गर्न उनीहरु सुनसरी, सिराहा र सप्तरीलगायत जिल्लाबाट आएका मजदुर भएको धनकुटा उद्योग वाणिज्य संघका अध्यक्ष विजय सन्तोषी राईले बताए । जिल्ला बाहिरबाट आएका मजदुरको आरडीटी टेस्ट गरेपछि मात्रै कार्यस्थलमा खटाइने उनले बताए । यस्तै शनिबारसम्म जिल्लाभर २ सय १८ जनाको ¥यापिड टेस्ट र ७ जनाको स्वाब परीक्षण गरिएको छ।
सिमावर्ती जिल्ला उदयपुर र भोजपुरमा कोरोना संक्रमित बिरामी फेला परेपछि धनकुटामा तिब्र रुपमा परीक्षण थालिएको हो ।
परीक्षण गरिएका सबैको नतिजा नेगेटिभ आएको स्वास्थ्य कार्यालय धनकुटाका प्रमुख तुलसी गुरागाईले बताए । उनका अनुसार केहीको ¥यापिड टेस्ट गरेर रिपोर्ट पोजेटिभ आएका र कोरोनाको लक्षणको शंका लागेकाको स्वाब परिक्षण गरिएको हो ।
प्रतिक्रिया दिनुहोस !
