हेटौंडा : मकवानपुरको हेटौडा उपमहानगरपालिका १ चौकी टोलकी एकजना महिलामा कोरोना भाइरसको संक्रमण देखिएको छ । हेटौडाको किटजन्य रोग अनुसन्धान तथा तालिम केन्द्रमा गरिएको पीसीआर परीक्षणमा उनलाई कोरोना भाइरसको संक्रमण पुष्टि भएको हेटौंडास्थित आइसोलेसन वार्डका प्रमुख भोला चौँलागाईले बताए ।
कोरोना संक्रमित महिला जेठ ९ गते चितवनबाट हेटौडा आएकी थिइन् । उनी आफ्नो श्रीमानसँग चितवनमा बस्दै आएकी थिइन् । ती महिला स्वाब परीक्षणका लागि दिएर घर गएकी थिइन् । उनका श्रीमानको पनि स्वाब संकलन गर्न पठाइएको र चौकीटोलवासीलाई उच्च सतर्कता अपनाउन आग्रह गरिएको हेटौंडा १ का वडा अध्यक्ष सविन न्यौपानेले बताए ।
यसअघि हेटौंडा ४ बस्ने एक महिलामा कोरोना संक्रमण पुष्टि भएको थियो । उनको काठमाडौंमा उपचार भइरहेको छ।
प्रतिक्रिया दिनुहोस !
