धरान : सुनसरीको धरान उपमहानगरपालिका कोरोना मुक्त भएको छ । उपमहानगरपालिकाका २० वटै वडामा संक्रमितको संख्या शून्य भएसँगै धरान कोरोनामुक्त उपमहानगर बनेको हो ।
धरान उपमहानगरपालिकाका स्वास्थय महाशाखा प्रमुख उमेश मेहताले धरान उपमहानगर कोरोना मुक्त बनेको बताएका छन् । उनले हप्तादिन अगाडीदेखि धरानवासीको स्वाब परीक्षण गर्दा रिपोर्ट नेगेटिभ आएपछि धरान कोरोनामुक्त बनेको बताए । कोरोना संक्रमितको संख्या न्युन भएसँगै बीपी कोइराला स्वास्थ्य विज्ञान प्रतिष्ठान धरानको कोभिड अस्पताल समेत खाली भएको छ ।
आइतबारबाट कोभिड अस्पतालमा बिरामी भर्ना हुन छाडेपछी कोभिड अस्पताल पनि खालि भएको प्रतिष्ठानका सह प्रबक्ता डा. चुडामणि पाखरेलले जानकारी दिएका छन् । उनले कोरोना संक्रमितको संख्या न्यून भएपनी स्वास्थय सावधानीलाई निरन्तरता दिन जरुरी रहेको बताएका छन् ।
कोरोनाका कारण सुनसरीमा एकसय ४५ जना सर्बसाधारणले ज्यान गुमाएका छन् । सुनसरीमा ८ हजार ३ सय ७९ जनालाई कोरोना संक्रमण देखापरेको सुनसरीका प्रमुख जिल्ला अधिकारी उमेशकुमार ढकालले जानकारी दिए।
उनले अधिकांश संक्रमित अधिकांz निको भई सकेको जिल्लाको जनजिवन सामान्य भैसकेको बताए । कोरोना संक्रमितको संख्या न्यून रहेपनी कोरोनाबाट बच्न स्वास्थय साबधानीका उपाय पालनालाई निरन्तरता दिन जिल्लावासिलाई प्रजिअ ढकालले आग्रह गरेका छन् ।
कोरोना संक्रमितको संख्य न्यून भएसंगै कोभिड अस्पताल समेत सुनसान बनेको छ । प्रतिष्ठानमा कोरोना भाइरसको संक्रमण परिक्षण गर्न आउने विरामीको संख्या समेत धेरै न्यून रहेको सहप्रबक्ता डा. पोखरेलले जानकारी दिएका छन् । उनले प्रतिष्ठानको कोभिड अस्पतालमा एकसय २१ जनाको उपचारका क्रममा निधन भएको बताए । प्रतिष्ठानमा ७हजार ८ सय २२ जनाको कोरानो रिपोर्ट पोजेटिभ आएको र एक हजार एकसय १९ जना कोभिड अस्पतालमा भर्ना भई निको भएर घर फर्किएको जानकारी दिए ।
प्रतिक्रिया दिनुहोस !
