सुदूरपश्चिममा भारी वर्षा, तिंकरमा ३ फिट हिमपात

सुदूरपश्चिममा भारी वर्षा, तिंकरमा ३ फिट हिमपात

दार्चुला : दार्चुलाको तिंकरमा भारी हिमपात भएको छ। जिल्लाको ब्याँस गाउँपालिका १ तिंकरमा भारी हिमपात भएको हो । आइतबार रातिबाट परेको वर्षाले  तिंकर गाउँमा ३ फिट हिमपात भएको जिल्ला प्रहरी कार्यालय दार्चुलाका प्रहरी नायब उपरीक्षक मनोहरप्रसाद भट्टले जानकारी दिए। तिंकर क्षेत्रमा सोमबार बिहानैबाट हिमपात भइरहेको उनले बताए ।

चिसोका कारण पाइप जाम भएर पानीको समस्या हुन थालेको स्थानीयले बताएका छन् । तिंकरमा हिमपात भएपछि सदरमुकाम खलङ्गालगायतका स्थानमा चिसो समेत बढेको छ। ब्याँस गाउँपालिका–१ तिंकरमा सौका समुदायको बसोबास रहेको सो क्षेत्रमा हिमपात भएपछि त्यहाँको जनजीवन कष्टकर भएको छ ।अहिले पनि तिंकरमा हिमपात जारी रहेको जनाइएको छ ।

पश्चिमी वायुका कारण वर्षा भएपछि दार्चुलामा यस वर्षको पहिलो हिमपात भएको महाकाली नगरपालिकाका नगर प्रमुख हंस राज भट्टले बताए । सुदूरपश्चिमका पहाडि जिल्ला दार्चुला, बैतडी, डडेलधुरा, डोटी आसपासका क्षेत्रमा पछिल्लो १२ घण्टामा अति भारी वर्षा भएको छ ।

हाल बंगालको खाडीमा र मध्य भारतमा रहेका न्यून चापीय प्रणाली र पश्चिमी वायुको संयुक्त प्रभाव नेपालमा परेको छ । त्यसैको कारण हाल देशको अधिकांश स्थानमा र सुदूरका पुरै जिल्लामा पानी परेको छ ।जिल्ला प्रशासन कार्यालय दार्चुलाले हिजो एक सूचना जारी गर्दै महाकाली नदी तटीय क्षेत्रका बासिन्दालाई सचेत रहन अनुरोध गरेको थियो ।

सुदूरपश्चिमको पहाडि जिल्ला दार्चुलामा सोमबार साँझ ७ बजेदेखि परेको वर्षा अहिले पनि जारी छ । ब्यास गाउँपालिका र अपि हिमाल गाउँपालिकामा-३ फिट भन्दा बढी हिमपात भएको ब्यास गाउँपालिका वडा न ४ का स्थानीय पदम राज भट्टले बताए ।


प्रतिक्रिया दिनुहोस !

सम्बन्धित खबर

Unity

working together is no longer optional-it is a matter of compulsion

Annapurna Media Network has announced the Unity for Sustainability campaign which comes into force from January 1, 2022. The main aim of this campaign is to 'lead the climate change dialogue' working closely with all the stakeholders on sustainable development mode, particulary focusing on climate-change issues.