मलंगवा : भारतबाट नेपालतर्फ ल्याउँदै गरेको जिउँदो कुखुरासहित सशस्त्र प्रहरीले सर्लाहीको पर्सा नाकाबाट दुई वटा मोटरसाइकल समेत बरामद गरेको छ।
प्रहरीको आँखा छलेर मोटरसाइकलमा झुण्डयाएर ल्याउँदै गरेको तयारी अवस्थामा रहेको कुखुरा बरामद गरिएको सशस्त्र प्रहरीले जनाएको छ। बरामद गरिएको कुखुराहरुको तौल अन्दाजी एक क्वीन्टल रहेको सशस्त्र प्रहरी बल नेपाल नं. १० गणले जनाएको छ। कुखुरासहित प्रहरीले प्रदेश २ ०२ ००१प ९५६२ नम्बरको नेपाली मोटरसाइकल र बीआर ३० एस १३६९ नम्बरको भारतीय मोटरसाइकल समेत बरामद गरेको छ।
चेकजाँचमा रहेका प्रहरीलाई देख्ने बितिक्कै तस्करहरु मोटरसाइकल र कुखुरा छोडी फरार भएका छन्। बरामद गरिएको कुखुरालाई बिओपी मलंगवामा ल्याई खाल्डो खनी नष्ट गरेको सशस्त्र प्रहरी निरीक्षक उमेश कार्कीले जानकारी दिएका छन्। बरामद गरिएको मोटरसाइकललाई आवश्यक कारबाहीका लागि जिल्ला भन्सार कार्यालय बुझाइएको निरीक्षक कार्कीले बताए।
प्रतिक्रिया दिनुहोस !
