स्याङ्जा : मतपेटिका शिल गरिएको प्लाष्टिकको डोरी चुडिँदा चापाकोट नगरपालिकाको मतगणना प्रभावित बनेको छ। स्याङ्जाका १० वटा पालिकामा मतगणना जारी रहेपनि चापाकोट नगरपालिकाको मतगणना शनिबार पनि हुन सकेको छैन्।
चापाकोट नगरपालिका-६ स्थित मोहमी माध्यमिक विद्यालयमा भएको मतदानका २ वटा मतपेटिकाका डोरी चुडिएपछि यहाँका उम्मेदवारबीच सहमति नजुट्दा मतगणना हुन नसकेको हो।
मतपेटिकामा शिलगरी बाँधिएका ५ वटा प्लाष्टिकका डोरीमध्ये एउटा बाकसको २ वटा र एउटा बाकसको १ वटा डोरी चुडिएको बताइएको छ।
मतगणना गर्ने भन्दै शनिबार दिनभर पटक पटक बसेको सर्वदलिय बैठकबाट पनि निर्णय हुन नसकेको स्थानीयबासी रामु भट्टराईले जानकारी दिए।
स्याङ्जामा ५ नगरपालिकासहित ६ गाउँपालिका छन्।
प्रतिक्रिया दिनुहोस !
