मुगु : छाँयानाथ रारा नगरपालिका-११ का ३४ वर्षिया एक युवकलाई बलात्कार गरेको आरोपमा प्रहरीले पक्राउ गरेको छ।
३१ वर्षिया एक महिलालाई गएको भदौ २३ गते बलात्कार गरेको आरोपमा पीडितले जेठ २० गते जिल्ला प्रहरी कार्यालयमा उजुरी दर्ता गरेपछि प्रहरीले जेठ २२ गते दिउँसो १२:३० बजे छाँयानाथ रारा नगरपालिका-१ गमगढी बजारबाट गिरप्तार गरेको हो।
पीडित महिलाका पतिले अर्को पत्नि लिएर सम्पर्कविहिन भएपछि दुई बालबालिकासहित पीडित महिला माईती घरमा बस्दै आएकी थिईन। ०७८ भदौ २३ गते पीडितलाई बलात्कार गरेको र दुई/दुई पटक गर्भपतन गर्न लगाई समयसमयमा बलात्कार गरेको भन्दै पीडितले न्यायकोलागि प्रहरीमा उजुरी दिएको उनका आफन्तले बताए।
प्रहरीको हिरासतमा राखी घट्नाको थप अनुसन्धानकालागि जिल्ला अदालत मुगुबाट जेठ २३ गते १० दिनकालागि म्याद थप गरिएको जिल्ला प्रहरी कार्यालयका डिएसपी सुभाष हुमालले जानकारी दिए।
पीडित महिलाको जिल्ला अस्पातल मुगुमा जेठ २० गते स्वास्थ्य परिक्षण गरिएको प्रहरीले जनाएको छ।
प्रतिक्रिया दिनुहोस !
