गोरखा : नेकपा माओवादी केन्द्रका अध्यक्ष पुष्पकमल दाहाल 'प्रचण्ड'ले गोरखा क्षेत्र नं २ बाट उम्मेदवारी दर्ता दिएका छन्।
प्रचण्डले निर्वाचन अधिकृतको कार्यालयमै पुगेर उम्मेदवारी दर्ता गराएका हुन्। प्रचण्डले नेपाल समाजवादी पार्टीका अध्यक्ष बाबुराम भट्टराईको प्रस्ताव र माओवादी वरिष्ठ उपाध्यक्ष नारायणकाजी श्रेष्ठको समर्थनमा उम्मेदवारी दर्ता गराए।
बाबुराम भट्टराईले प्रत्यक्षतर्फ उम्मेदवारी चुनाव नलड्ने घोषणा गरेपछि प्रचण्डलाई सो क्षेत्रबाट उठाउने माओवादीले निर्णय गरेको थियो।
प्रचण्ड चितवन क्षेत्र नं ३ बाट एकल सिफारिस परेका थिए। अघिल्लो निर्वाचनमा सोही क्षेत्रबाट निर्वाचित भएका प्रचण्ड यसपटक पनि चितवन ३ बाटै उम्मेदवार बन्ने चर्चा थियो।
यो निर्वाचन क्षेत्रमा प्रचण्डसँग नेकपा एमालेबाट अब्दुस मियाँ भिड्दैछन् ।
प्रतिक्रिया दिनुहोस !
