काठमाडौं : फ्रान्सका कप्तान केलियन एम्बाप्पेले फिफा विश्वकप २०२६ मा नयाँ रेकर्ड कायम गरेका छन्। उनले इङ्ल्यान्डविरुद्ध भएको तेस्रो स्थानको खेलमा २ गोल गर्दै विश्वकप इतिहासकै सबैभन्दा धेरै गोल गर्ने रेकर्ड बनाएका हुन्।
खेलको दोस्रो हाफको ४८ औँ मिनेटमा आफ्नो व्यक्तिगत पहिलो गोल गर्दै एम्बाप्पेले जारी विश्वकपमा नवौँ गोल पूरा गरेका थिए। यो गोलसँगै उनले अर्जेन्टिनाका कप्तान लियोनल मेस्सीको २१ विश्वकप गोलको रेकर्ड बराबरी गरे।
खेलको ६६ औँ मिनेटमा एम्बाप्पेले पुनः अर्को उत्कृष्ट गोल गर्दै जारी विश्वकपमा आफ्नो गोल सङ्ख्या १० पुर्याए। यो गोलसँगै उनले मेस्सीको कीर्तिमानलाई पछि पार्दै विश्वकप इतिहासमा कुल २२ गोलको नयाँ ऐतिहासिक रेकर्ड आफ्नो नाममा लेखेका छन्।
जारी विश्वकपमा १० गोल गरिसकेका एम्बाप्पे अहिले गोल्डेन बुटको दाबेदारीमा सबैभन्दा बलियो स्थानमा छन्। यद्यपि, उनलाई अर्जेन्टिनाका कप्तान लियोनल मेस्सीले पछ्याइरहेका छन्। भोलि हुने फिफा विश्वकपको फाइनल खेलमा अर्जेन्टिनाले स्पेनसँग खेल्नेछ।
प्रतिक्रिया दिनुहोस !
