साउदीको दुर्घटनामा हात गुमाएका राई स्वदेश फिर्ता

साउदीको दुर्घटनामा हात गुमाएका राई स्वदेश फिर्ता

साउदी: साउदीमा भएको दुर्घटनामा हात गुमाएका अरुण राई स्वदेश फर्किएका छन् । 

ड्राइभर भिसामा साउदी पुगेका मोरङ बेलबारी-६ का राईको सवारी दुर्घटनामा एक हात गुमेको छ ।

तीन वर्षअघि साउदी पुगेका उनी दुई वर्षअघि दुर्घटनामा परेका थिए । दुर्घटनामा उनीसँगै रहेका सहचालक भारतीय नागरिकको मृत्यु भयो । राईको भने उपचारका क्रममा हात गुमाउनुपरेको थियो ।

दुर्घटनामा परेपछि आफूले कम्पनीबाट सेवा सुविधा नपाएको गुनासो गर्दै रराईले २ वर्षसम्म साउदीमा अलपत्र परेको बताए । 

उनले भने, 'परिवारलाई सुख सुविधा दिने उद्देश्यले साउदी गएको थिएँ । कम्पनी मैले सोचेजस्तो परेन, सम्झौता अनुसारको सेवा सुविधा पनि पाइन।'

काठमाडौंको गोंगबुमा रहेको नारायणी मेनपावरबाट साउदी जाँदा उनले १ लाख २५ हजार तिरेको बताए । दुर्घटनापछि बीमा लगायतको सेवा पनि नपाएको उनको गुनासो छ । 

अलपत्र पर्दा पनि कम्पनीले स्वदेश फर्काउन कुनै पहल नगरेपछि आफूले हार गुहार मागेको बताउँदै अन्नपूर्ण कर्मी विष्णु घिमिरे, नेपाली दूतावासका श्रमसहचारी देवेन्द्र कार्की, टीकाराम उपाध्यायलगायतको सहयोगमा स्वदेश फर्कन पाएको सुनाए । नेपाली रेष्टुरेन्ट लालिगुराँसले खानाको व्यवस्था गरेको र नेपाली समुदायले आर्थिक सहयोग स्वरुप ६ हजार साउदी रियल सहयोग गरेको उनले सुनाए । 

नेपाली दूतावासले उनलाई स्वदेश फर्काउन सफल भएको भन्दै उनले पाउने सेवा सुविधाका विषयमा पनि आवश्यक पहल चाल्ने जनाएको छ ।


प्रतिक्रिया दिनुहोस !

सम्बन्धित खबर

Unity

working together is no longer optional-it is a matter of compulsion

Annapurna Media Network has announced the Unity for Sustainability campaign which comes into force from January 1, 2022. The main aim of this campaign is to 'lead the climate change dialogue' working closely with all the stakeholders on sustainable development mode, particulary focusing on climate-change issues.