भक्तपुर : भक्तपुर नगरपालिका-९ ब्रह्मायणीमा रहेको एक खाजा घरमा १४ वर्षीय बालिकालाई करणी गरेको आरोपमा एक जना पक्राउ परेका छन्।
माघ २२ गते आफ्नी छोरीमाथि बलात्कार गरेको भनी आमाले प्रहरी वृत जगातीमा दिएको जाहेरी दरखास्तका आधारमा सोलुखुम्बुको सोलुदूधकुण्ड नगरपालिका-३ घर भई हाल काठमाडौं कोटेश्वर बस्ने १९ वर्षीय लाक्पा ग्याल्जेन तामाङ पक्राउ परेका हुन्।
होटल सञ्चालिकालाई पनि प्रहरीले नियन्त्रणमा लिएको छ। घटना सम्बन्धमा थप अनुसन्धान कार्य जारी छ।
प्रतिक्रिया दिनुहोस !
