शान्ति प्रक्रिया टुंगोमा पुर्‍याउन एमाले बाधक बन्यो : देवप्रसाद गुरुङ

शान्ति प्रक्रिया टुंगोमा पुर्‍याउन एमाले बाधक बन्यो : देवप्रसाद गुरुङ
सुन्नुहोस्

काठमाडौंः नेकपा माओवादी केन्द्रका महासचिव देवप्रसाद गुरुङले एमालेले शान्ति प्रक्रियाको विषयलाई नकारात्मक धारणा बनाएका कारण समस्या भएको बताएका छन् । माओवादी केन्द्रले आयोजना गरेको पत्रकार सम्मेलनमा महासचिव गुरुङले एमाले नेतृत्वले शान्ति प्रक्रिया टुंग्याउन नकारात्मक धारणा राखिरहेको बताएका हुन् ।

गुरुङले भने,‘नेकपा एमालेले शान्ति प्रक्रिया टुग्ंयाउने विषयमा हरहमेशा नकारात्मक खालको धारणा राख्यो । पछिल्लो समयमा विधेयक अन्तिमसम्म पुगेपनि उहाँहरूको नकारात्मक धारणाले गर्दा त्यो डेडलक भएर अड्किरहेको अवस्था छ । दलहरूबीच अझ त्यसमा पनि एमालेका कारण विधेयक डेडलक भएर अड्किरहेको अवस्था छ । ’

दलहरूको बीचमा सहमति नभइकन शान्ति प्रक्रियाको विषय अगाडि बढ्न नसकेको बताए ।

उनले भने,‘फौजदारी न्यायको सिद्धान्तका आधारमा होइन संक्रमणकालीन न्यायको सिद्धान्तका आधारमा शान्ति प्रक्रिया टुंग्याउनुपर्छ । बृहत शान्ति सम्झौता उल्लघंन हुने त होइन भन्ने चिन्ता बढेको छ । राज्यको तर्फबाट ऐन बनाउने प्रक्रिया यथासिघ्र अगाडि बढाउनुपर्छ । एमाले नेतृत्वले शान्ति प्रक्रिया टुंग्याउन नकारात्मक धारणा राखेकाले पनि विधेयक अघि बढेको छैन । ’

उनले आयोगमार्फत् समस्याको सम्बोधन हुनुपर्ने बताए । ‘शान्ति  प्रक्रिया अन्तरिम संविधानको अभिन्न अंग बनेको थियो । नयाँ संविधानमा शान्ति  प्रक्रियालाई संवैधानिक अंग नै बनाइएको छ । आयोगमार्फत् समस्याको सम्बोधन हुनुपर्छ । त्यो मान्यतालाई उल्लघंन गरेर नियमित फौजदारी न्याय अनुसार लैजान खोजे । यो संविधानको भावना भन्दा बाहिरको विषय हो।'


प्रतिक्रिया दिनुहोस !

लोकप्रिय

Unity

working together is no longer optional-it is a matter of compulsion

Annapurna Media Network has announced the Unity for Sustainability campaign which comes into force from January 1, 2022. The main aim of this campaign is to 'lead the climate change dialogue' working closely with all the stakeholders on sustainable development mode, particulary focusing on climate-change issues.