जाजरकोटमा सामुदायिक वनमा लागेको आगो नियन्त्रण बाहिर

जाजरकोटमा सामुदायिक वनमा लागेको आगो नियन्त्रण बाहिर
जाजरकोटको जगतिपुर सामुदायिक वनमा लागेको आगो । तस्बिर : राजेन्द्र कार्की

जाजरकोट : भेरी नगरपालिका ११ स्थिति जगतिपुर सामुदायिक वन लागेको आगो नियन्त्रण बाहिर गएको छ । वडाको दक्षिण पूर्वी क्षेत्रबाट तीन दिनदेखि फैलिएको आगो नियन्त्रण बाहिर गएको हो ।

विकट भूगोलका कारण स्थानीय बासिन्दा, नेपाल प्रहरी, नेपाली सेनाले अथक प्रयास गरेपनि नियन्त्रण बाहिर गएको स्थानीय केशवप्रसाद शर्माले बताए । उनका अनुसार उक्त वन क्षेत्र भित्र २०७६ साल देखि एभरेस्ट कम्पनी र जगतिपुर सामुदायिक वन उपभोक्ता समिति भेरी ११ बीच सम्झौता भइ खोटो निकाल्ने कार्य भइरहेको थियो ।

खोटोमा कसैले आगो लगाइदिएको हुनसक्ने प्रहरीको अनुमान छ । खोटो प्रज्ज्वलनशील पदार्थ हो । खोटोमा लागेको आगो वनभरी फैलिएको हो । वनबाट बस्तीमा आगो पस्न सक्ने खतरा रहेको स्थानीयको भनाइ छ ।

सामुदायिक वन क्षेत्रभित्र २०० देखि २५० संकलित टिना खोटो जलेर नस्ट हुनुका साथै १२०० बढी सल्लीमा लगाएका गमलाहरु नष्ट भएको सामुदायिक वन उपभोक्ता समितिका अध्यक्ष गणेश आचार्यले जानकारी दिए । उनका अनुसार वनमा आगोका कारण वन सखाप भएर लाखौंको क्षति भएको छ ।


 


प्रतिक्रिया दिनुहोस !

Unity

working together is no longer optional-it is a matter of compulsion

Annapurna Media Network has announced the Unity for Sustainability campaign which comes into force from January 1, 2022. The main aim of this campaign is to 'lead the climate change dialogue' working closely with all the stakeholders on sustainable development mode, particulary focusing on climate-change issues.