फेवाताल किनारमा आज र भोलि ड्रागन रेस फेस्टिभल

फेवाताल किनारमा आज र भोलि ड्रागन रेस फेस्टिभल
फेवाताल किनारमा महोत्सवमा हुने ड्रागन रेस प्रतियोगिताको लागि चीनबाट ल्याइएका डुंगा ।   । तस्बिर : कृष्णमणि बराल।

पोखरा : फेवाताल किनारमा आजदेखि दुई दिन ड्रागन रेस फेस्टिभल हुँदै छ । नेपाल पर्यटन बोर्ड, नेपालस्थित चिनियाँ दुतावास र पोखरा महानगरपालिकाको आयोजनामा  पोखराको फेवाताल किनारमा ड्रागन रेस फेस्टिभल बिहान ९ बजेदेखि  हुँदै छ। 

पोखरा पर्यटन परिषद् र चाइना ओभरसीज एशोसिएसन महोत्सवको सहआयोजक रहेका छन्। चिनियाँ महोत्सवले चीनमा नेपालको पर्यटन प्रवर्द्धनमा महत्वपूर्ण भूमिका खेल्ने नेपाल पर्यटन बोर्डले जनाएको छ। महोत्सवपछि पोखरामा चिनियाँ पर्यटकको आगमन बढ्ने विश्वास गरिएको छ । 

फेस्टिभलमा नेपाल र चीनका गरी १२० जना प्रतियोगिहरुको सहभागिता रहने बताइएको छ । दुई सय र पाँचसय मिटरमा गरि दुई भागमा आठ वटा डुंगाबाट रेस हुने छ । चीनबाट ल्याइएका चार वटा डुंगामा नेपाली र ४ वटा डुंगा चीनका प्रतिस्पर्धी रहने छन् । प्रतियोगितामा विजेताले ३० लाख रुपैयाँ पुरस्कार पाउने आयोजकले बताएका छन् । 

महोत्सवमा नेपाल र चीन दुबै देशका सांस्कृतिक कार्यक्रमको साथै दुबै देशका विभिन्न खानाका परिकार प्रदर्शन हुने छ । कार्यक्रममा सहभागी हुन चीनको लिङजी सहरबाट नगरप्रमुख सहित ६० जनाको टोली पनि पोखरा आउने बताइएको छ । 

कोभिड संक्रमणपछि चीनले गत मार्च १५ देखि लागु हुने गरी चिनियाँ संस्कृति तथा पर्यटन मन्त्रालयले आफ्नो नागरिकलाई नेपाल घुम्न अनुमति दिएको थियो । योसँगै कोभिडपछि मार्च महिनादेखि चिनियाँ पर्यटक आउने क्रम सुरु भएको छ । 


प्रतिक्रिया दिनुहोस !

लोकप्रिय

Unity

working together is no longer optional-it is a matter of compulsion

Annapurna Media Network has announced the Unity for Sustainability campaign which comes into force from January 1, 2022. The main aim of this campaign is to 'lead the climate change dialogue' working closely with all the stakeholders on sustainable development mode, particulary focusing on climate-change issues.