ट्रान्समिसन लाइनको तार खस्दा सुदूरपश्चिमका ६ जिल्लामा विद्युत सेवा अवरुद्ध
डडेल्धुरा : डडेल्धुरासहित सुदूरपश्चिमका पहाडी जिल्लामा विद्युत सेवा अवरुद्व भएको छ । अत्तरिया डडेल्धुरा मुख्य ट्रान्समिसन लाइनको तार खस्दा सुदूरपश्चिमका पहाडी जिल्लामा विद्युतीय सेवा अवरुद्ध भएको छ।
सुदूरपश्चिमका ६ जिल्लाको विद्युत सेवा अवरुद्ध भएको छ । नेपाल विद्युत प्राधिकरण डडेल्धुरा वितरण केन्द्रका प्रमुख रमेश अवस्थीका अनुसार डोटीको रुवसकाडामा मुख्य टावरको तार टुटेपछि विद्युत सेवा अवरुद्ध भएको हो।
मर्मतका लागि डडेल्धुरा र अत्तरियाबाट प्राविधकसहितको टोली रुवसकाँडातर्फ गएको छ । ‘विद्युत सेवा सञ्चालन गर्न एक घण्टा पनि लाग्न सक्छ र केही समस्या भए ५, ६ घण्टा पनि लाग्नसक्ने डडेल्धुरा वितरण केन्द्र का प्रमुख अवस्थीले जाजकारी दिए ।