सिन्धुली : सिन्धुली प्रहरीले ठूलो परिमाण लागुऔषधसहित पाँचजनालाई नियन्त्रणमा लिएको छ । इलाका प्रहरी कार्यालय भिमानको प्रहरी गस्ती टोलीले चेकजाँचका क्रममा पाँचवटा मोटरसाइकल र पाँचजनालई लागुऔषधसहित नियन्त्रणमा लिएको हो ।
प्रहरीले महोत्तरीको बर्दिवासबाट सिन्धुलीतर्फ आउँदै गरेको प्रदेश २–०२–००४ प ६७४६ को मोटरसाइकलसहित कमलामाई नगरपालिका ६ रातमाटा बस्ने वर्ष ३० को रोहित थापा,कमलामाई नगरपालिका १२ घर भई हाल कनपा ७ माझिटारमा कोठा गरी बस्ने २७ वर्षीय अम्मर भन्ने चुक्तबहादुर राउतलाई पक्राउ गरेको छ ।
उनीहरूको साथबाट एक्सप्लोन १०० एमएलको २ बोतल र नाइट्राभेट १० लेखिएको ४ पत्ता लागुऔषध नियन्त्रणमा लिइएको जिल्ला प्रहरी कार्यालय सिन्धुलीका प्रवक्ता चिरन्जीवी दाहालले जानकारी दिए । यस्तै बागमती प्रदेश ०२–०३७ प ५७२१ नम्बरको मोटरसाइकलसहित कमलामाई नगरपालिका ५ मधुटार बस्ने ३१ को बिनोद कुमार दियालीलाई प्रहरीले नियन्त्रणमा लिएको हो ।
‘बा ६७ प ६३४१ नम्बरको मोटरसाइकलसहित भिमेश्वर नगरपालिका ५ दोलखा बस्ने वर्ष २१ को ईश्वर गजुरेललाई पनि प्रहरीले लागुऔषधसहित नियन्त्रणमा लिएको छ । उनले ५८ पिस नाइट्राभेट दश लेखिएको ट्याबलेट नियन्त्रणमा लिइएको छ,’दाहालले भने ।
मधेश प्रदेश नं ०२–००७ प १४५ नम्बरको मोटरसाइकल चालक साविक कर्जन्हा गाविस १ सिराहा जिल्ला घरभइ हाल कमलामाई नगरपालिका ६ सिन्धुली बस्ने २७ वर्षीय गणेश ठाकुरलाई २ सय मिलिलिटरको एक्सप्लोनसहित प्रहरीले नियन्त्रणमा लिएको हो ।
मधेश प्रदेश ०२–००७ प ९६५ नम्बरको मोटरसाइकल र चालक जनकपुर उपमहानगरपालिका ४ धनुषा बस्ने २७ वर्षीय आनन्द नाम बताउने उमेश कुमार मुखियालाई गाँजा र नाइट्रभेटसहित प्रहरीले नियन्त्रणमा लिएको छ ।
पक्राउ परेका पाँचैजनालाई जिल्ला अदालत सिन्धुलीबाट पाँच दिनको म्याद थप गरी अनुसन्धान कार्य सुरु गरिएको प्रहरीले जनाएको छ ।
प्रतिक्रिया दिनुहोस !
