विराटनगर : मोटरसाइकलमा भारत लैजाँदै गरेको लागूऔषध गाँजा प्रहरीले विराटनगर महानगरपालिका–१४ स्थित आईसीपी सडकखण्डबाट मंगलबार राति बरामद गरेको छ।
इलाका प्रहरी कार्यालय रानीको टोलीले राति १०:१० बजेतिर ४० किलोग्राम गाँजा बरामद गरेको हो। को १७ प ८६३ नम्बरको मोटरसाइकलमा गाँजा भारततिर लैजान खोजिएको प्रहरीले जनाएको छ। मोरङ प्रहरीका प्रवक्ता डीएसपी रन्जनकुमार दाहालका अनुसार प्रहरीलाई देख्नासाथ मोटरसाइकल छाडेर चालक फरार बनेका थिए।
मोटरसाइकलमा राखेको झोलाबाट गाँजा बरामद भएको उनले बताए । मोटरसाइकल र गाँजा नियन्त्रणमा लिएर फरार रहेका चालकको खोजी तीव्र पारिएको जानकारी दाहालले दिए।
प्रतिक्रिया दिनुहोस !
